[t4b-ticker]
Home قومی نئے ڈی جی کی آمد کے بعد وزیراعظم کا آئی ایس آئی سیکریٹریٹ کا پہلا دورہ، ملکی سلامتی پر بریفنگ

نئے ڈی جی کی آمد کے بعد وزیراعظم کا آئی ایس آئی سیکریٹریٹ کا پہلا دورہ، ملکی سلامتی پر بریفنگ

by imran

وزیراعظم عمران خان نے انٹرسروسز انٹیلی جنس (آئی ایس آئی) سیکریٹریٹ کا دورہ کیا جہاں انہیں ملکی سلامتی اور افغانستان کی صورت حال پر بریفنگ دی گئی۔

وزیراعظم کے دفتر سے جاری بیان میں کہا گیا کہ ‘وزیراعظم عمران خان نے اہم وفاقی وزرا کے ہمرا آئی ایس آئی سیکریٹریٹ کا دورہ کیا، جہاں چیف آف آرمی اسٹاف جنرل قمر جاوید باجوہ بھی موجود تھے’۔

بیان میں کہا گیا کہ ‘ڈائریکٹر جنرل (ڈی جی) آئی ایس آئی لیفٹیننٹ جنرل ندیم احمد انجم نے شرکا کا استقبال کیا’۔

 

وزیراعظم آفس نے بتایا کہ ‘اجلاس میں ملکی سلامتی اور افغانستان کی صورت حال کے تناظر میں خطے میں درپیش تبدیلیوں پر بریفنگ دی گئی’۔

بیان میں کہا گیا کہ ‘وزیراعظم نے قومی سلامتی، استحکام اور خوش حالی کے لیے آئی ایس آئی کی کوششوں کو سراہا اور پاکستان کے قومی مفاد کے تحفظ کے لیے کی جانے والی پیسہ ورانہ تیاریوں پر اظہار اطمینان کیا’۔

خیال رہے کہ لیفٹیننٹ جنرل ندیم انجم کے آئی ایس آئی کے سربراہ بننے کے بعد وزیراعظم عمران خان کا آئی ایس آئی ہیڈکوارٹرز کا پہلا دورہ ہے۔

وزیراعظم عمران خان نے اس سے قبل 23 ستمبر 2021 کو بھی آئی ایس آئی ہیڈ کوارٹرز کا دورہ کیا تھا اور ان کے ساتھ وفاقی وزرا بھی تھے۔

وزیراعظم اور وفاقی وزرا کا اس وقت کے آئی ایس آئی چیف نے استقبال کیا تھا اور وفد کو ملکی سلامتی اور افغانستان کی حالیہ صورتحال کے تناظر میں خطے میں رونما ہونے والی تبدیلیوں پر بریفنگ دی گئی تھی۔

وزیراعظم نے قومی سلامتی کو درپیش چیلنجز سے نمٹنے کے لیے آئی ایس آئی کی پیشہ وارانہ صلاحیتوں کو سراہا تھا۔

آپ بھی پسند کر سکتے ہیں۔