سانحہ مری کے کیس کا فیصلہ محفوظ | اردو میڈیا

admin
admin 7 مئی, 2022
Updated 2022/05/07 at 7:51 صبح
285036 125533 updates
285036 125533 updates

پتا نہیں قوم کاضمیر کب جاگے گا، لوگوں میں احساس ذمہ داری ہی نہیں ہے: جسٹس عبدالعزیز چوہدری کے ریمارکس/ فائل فوٹوراولپنڈی: لاہور ہائیکورٹ راولپنڈی بینچ نے سانحہ مری کیس کا فیصلہ محفوظ کرلیا۔لاہور ہائیکورٹ راولپنڈی بینچ میں سانحہ مری کے کیس کی سماعت ہوئی جس دوران جسٹس چوہدری  عبدالعزیز  نے کہا کہ پتا نہیں قوم کاضمیر کب جاگے گا، لوگوں میں احساس ذمہ داری ہی نہیں ہے۔دورانِ سماعت ایڈووکیٹ جلیل اختر نے اپنے دلائل میں بتایا کہ 3 کنال مجموعی طور پر جگہ تھی جو پارکنگ پلازہ کیلئے مختص تھی، اس پر عدالت نے کہا کہ آئیڈیا طے ہوا رقم مختص ہوئی پھر سب ختم ہو گیا ، پھر یہ پیسہ کہاں گیا ؟کسی کے باپ کا نہیں ،مزدوروں کا پیسہ ہے، کیا یہ کوئی مغلیہ سلطنت ہے، ملک کی تباہی کی بنیادی وجہ امیر غریب کے لیے الگ قانون ہے۔عدالت نے کہا کہ مری ایکسپریس وے پر غیر قانونی تعمیرات کی گئی ہیں، مری میں محکمےکی غفلت کی وجہ سے غیر قانونی تعمیرات ہوئیں، محکمہ کی غفلت کی وجہ سے لوگوں کا پیسہ ضائع ہوا، اگر آج تعمیرات گرا دیں تو لوگوں کے اربوں روپے ضائع ہوجائیں گے، محکمے نے غیرقانونی تعمیرات سے روکا ہوتا تو یہ پیسہ مناسب جگہ لگا ہوتا۔بعد ازاں عدالت  نے کیس کا فیصلہ محفوظ کرلیا اور جسٹس عبدالعزیز نے کہا کہ سانحہ مری کے کیس کو کلوز کررہا ہوں اس کا فیصلہ جلد کروں گا۔خیال رہےکہ 7 اور 8 جنوری کی رات کو مری میں برفانی طوفان اور رش کے باعث 23 افراد اپنی گاڑیوں میں انتقال کرگئے تھے، انتقال کرجانے والوں میں ایک ہی خاندان کے 8 افراد بھی شامل تھے۔

اس آرٹیکل کو شیئر کریں۔
ایک تبصرہ چھوڑیں

جواب دیں

آپ کا ای میل ایڈریس شائع نہیں کیا جائے گا۔

AllEscort