راولپنڈی (آئی این پی)پاکستان اور انگلینڈ کے درمیان سیریز کا تیسرا اور فیصلہ کن ٹیسٹ آج (جمعرات)سے راولپنڈی میں شروع ہوگا۔ تین ٹیسٹ میچز کی سیریز کاپہلا ٹیسٹ انگلینڈ نے جیتا جبکہ دوسرے ٹیسٹ میچ میں پاکستان کامیاب رہا، اب تیسرا اور فیصلہ کن ٹیسٹ راولپنڈی سٹیڈیم میں آج سے شروع ہو رہا ہے۔میچ کے لیے دونوں ٹیموں نے بھرپور تیار یاں کرر کھی ہیں، پنڈی سٹیڈیم میں پاکستان اور انگلینڈ کی ٹیموں نے بھرپور ٹریننگ کی، باؤلنگ، بیٹنگ اور فیلڈنگ کی پریکٹس بھی کی۔آخری ٹیسٹ کے لیے پچ خاص توجہ کا مرکز بنی ہوئی ہے جسے سپنرز کے لیے موزوں قرار دیا جا رہا ہے، پچ میں موجود نمی کو ختم کرنے کے لیے انڈسٹریل پنکھوں کو استعمال کیا گیا ہے حصہ۔انگلینڈ کے خلاف سیریز کے آخری ٹیسٹ میچ کیلئے پاکستان نے پلئینگ الیون کا اعلان کر دیا۔ راولپنڈی میں شیڈول سیریز کے تیسرے اور آخری ٹیسٹ میچ کیلئے پاکستانی ٹیم میں کوئی تبدیلی نہیں کی گئی۔ٹیم میں کپتان شان مسعود، صائم ایوب، عبداللہ شفیق، کامران غلام، سعود شکیل، محمد رضوان، سلمان علی آغا، عامر جمال، نعمان علی، ساجد خان اور زاہد محمود شامل ہیں
