(جاری ہے)
اس موقع پر صوبائی وزیر کو بریفنگ کے دوران بتایا کہ پنجاب بھر میں 2500 مرچنٹس(رجسٹرڈڈیلرز )کی دوکانوں پر کسان کارڈ کے حوالے سے ضروری معلومات کے بورڈز آویزاں کر دیے گئے ہیں۔
صوبائی وزیر زراعت نے اس موقع پر کہا کہ وزیر اعلی پنجاب مریم نواز شریف کسانوں کے مسائل سے بخوبی واقف ہیں اور ان کو حل کرنے کے لیے دن رات مصروف عمل ہیں۔سید عاشق حسین کرمانی نے کارڈ کی وصولی کے عمل کو مزید تیز کرنے کی ہدایت کی اور اس ضمن میں اہل کسان کارڈ درخواست گزاروں کے لیے تشہیری مہم کو مؤثر انداز میں چلانے اور گھر گھر جا کر پیغامات پہنچانے کی ضرورت پر زور دیا تاکہ 5لاکھ کارڈ کی ڈلیوری کے ہدف کو حاصل کیا جا سکے۔انھوں نے کسان کارڈ کے سلسلے میں ڈیش بورڈ کو تحصیل کی سطح پر بنانے کے احکامات بھی جاری کئے۔ صوبائی وزیر نے مزید کہا کہ کسان کارڈ کی فراہمی کے لیے تحصیل کی سطح پر 136ڈلیوری سنٹرز قائم کر دیے گئے۔ اس موقع پر وزیر زراعت پنجاب سید عاشق حسین کرمانی نے ہدایات دیتے ہوئے کہا کہ یہ کسان کارڈ 15 اکتوبر سے کاشتکاروں کی خریداری کے لیے آپریشنل کر دیئے جائیں۔ انہوں نے مزید کہا کہ کسان کارڈ سے کاشتکار صوبہ بھر میں 2500 رجسٹرڈ ڈیلرز سے بیج، کھاد و دیگر زرعی مداخل کی خریداری کر سکیں گے علاوہ ازیں کسان کارڈ سے خریداری کے عمل کی باقاعدہ مانیٹرنگ کو بھی یقینی بنایا جائے گا۔ انہوں نے کھاد کی مصنوعی قلت اور سرکاری ریٹ سے زائد قیمت وصول کرنے والے ڈیلرز کے خلاف سخت کارروائی کرنے کے احکامات جاری کئے۔ وزیر زراعت پنجاب نے ہدایات دیتے ہوئے کہا کہ تحصیل مراکز میں پینا فلیکسز پر یہ بات اویزاں کی جائے کہ وزیر اعلیٰ پنجاب گندم کی فصل سے متعلق خریداری سے منسلک ہے۔ اجلاس میں سپیشل سیکرٹری زراعت پنجاب آغا نبیل، ایڈیشنل سیکرٹری زراعت (ایڈمن) ڈاکٹر اعجاز منیر، ایڈیشنل سیکرٹری زراعت (پلاننگ) کیپٹن (ر) وقاص رشید،ڈائریکٹر جنرل زرعی اطلاعات پنجاب نوید عصمت کاہلوں سمیت دیگر افسران نے شرکت کی۔
