تامل ناڈو(اُردو پوائنٹ اخبارتازہ ترین - این این آئی۔ 14 اکتوبر2024ء) بالی ووڈ کے مقبول اداکار اور سیاستدان تھلاپتی وجے نے حال ہی میں اپنی نئی فلم گریٹسٹ آف آل ٹائم (GOAT) کی کامیابی کا جشن منایا۔ یہ فلم تامل ناڈو میں باکس آفس پر 100 کروڑ روپے کا سنگِ میل عبور کرچکی ہے۔ اس موقع پر وجے نے فلم کی پروڈیوسر ارچنا کلپتی کے ساتھ کیک کاٹا۔فلم GOAT کو ہدایتکار وینکٹ پربھو نے ڈائریکٹ کیا ہے، جس میں وجے نے دوہری کردار ادا کرتے ہوئے اپنی اداکاری کے جوہر دکھائے ہیں۔

(جاری ہے)

یہ فلم ایک سنسنی خیز ایکشن سے بھرپور کہانی پر مبنی ہے جس میں تجارتی سینما کے ساتھ ساتھ تھرلر عناصر کو بھی بخوبی ملایا گیا ہے۔ وجے کے دونوں کردار مداحوں کو معیاری ایکشن اور دلچسپ کہانی کا مزہ فراہم کرتے ہیں۔فلم میں سپورٹنگ کاسٹ میں بھی بڑے نام شامل ہیں جیسے پرشانت، پربھو دیوا، موہن، جے رام، سنہا، لیلا، اجمل امیر، میناکشی چوہدری، ویبھاو، پریمجی آمرین، اور یوگندرن۔ یہ تمام اداکار فلم کی کہانی میں جان ڈالنے میں اہم کردار ادا کر رہے ہیں۔GOAT کو اب نیٹ فلکس پر بھی دستیاب کر دیا گیا ہے جہاں اسے وسیع ناظرین تک پہنچنے کی توقع ہے۔