لاہور (ڈیلی پاکستان آن لائن )بیرون ملک مقیم پاکستانی ڈراما انڈسٹری کی اداکارہ مہر بانو نے ہر حد پار کرتے ہوئے نازیبا فوٹوز سوشل میڈیا کی زینت بنادیا جس کے باعث وہ صارفین کی تنقید کا شکار ہو گئیں ہیں۔
تفصیلات کے مطابق فلم ’ٹیکسالی گیٹ‘ کی سٹار مہر بانو اگرچہ بیرون ملک مقیم ہیں اور اداکاری کی دنیا سے دور ہیں تاہم سوشل میڈیا کا سہارا لیتے ہوئے وہ ہر لمحہ اپنے مداحوں سے جڑی نظر آتی ہیں۔
اداکارہ کے انسٹاگرام اکاؤنٹ پر نظر ڈالی جائے تو بے باک اداکارہ مہر بانو سوشل میڈیا پر اپنی جرات مندانہ شخصیت کی عکاسی کی بدولت ہر بار وائرل ہوجاتی ہیں۔اس بار بھی کچھ ایسا ہی دیکھنے کو ملا جب مہر بانو نے سوشل میڈیا پر تہلکہ خیز تصاویر جاری کیں۔
فوٹو اینڈ ویڈیو شیئرنگ ایپ انسٹاگرام پر مہر بانو نے پوسٹ شیئر کی جس میں انہیں بیچ پر موجود حسین موسم کا لطف اٹھاتے دیکھا گیا۔ساتھ ہی انہوں نے لذیذ کھانے انجوائے کرنے کے ساتھ موٹر سائیکل کی سواری سے بھی لطف اٹھایا۔
آؤٹنگ کے اس دن کو یاد گار بنانے کیلئے مہر بانو نے ہر لمحے کو کیمرے میں قید بھی کیا لیکن اسی کے ساتھ انہوں نے جس لباس کا انتخاب کیا وہ انکے فینز کو ایک آنکھ نہ بھایا کیونکہ مہر بانو نے ساحل سمندر پر سیر کرتے ہوئے نیم عریاں لباس کا انتخاب کیا ۔بولڈنس کی عکاسی کرتی جھلکیوں کو شیئر کرتے ہوئے مہر بانو نے کیپشن میں لکھا کہ،’تم مجھے دوبارہ کبھی فل مون پارٹی میں نہیں دیکھو گے۔’
دوسری جانب ایک صارف نے مہر بانو کو ٹیگ کرتے ہوئے مزاحیہ انداز میں تبصرہ کیا اور لکھا کہ،’مایوسی ہوئی کہ بالکل بھی ایبس نظر نہیں آئے۔’
جسکے جواب میں مہربانو نے بھی مزاحیہ انداز میں لکھا کہ،’مجھ میں کوئی عیب نہیں۔’
جبکہ دیگر صارفین نے اداکارہ کے لباس پر شدید تنقید کرتے ہوئے لکھا کہ،’مہنگائی کی ستائی ہوئی مخلوق کو نہ کپڑے دستياب ہيں نہ کھانا ۔!’
ایک اور صارف نے لکھا کہ،’یہ تو کنفرم دوزخی ہے’۔
