راولپنڈی (اُردو پوائنٹ اخبارتازہ ترین - اے پی پی۔ 17 نومبر2024ء) پاکستان شاہینز اور سری لنکا اے کی کرکٹ ٹیموں کے درمیان دوسرا اور آخری چار روزہ میچ کل(پیر کو )سے راولپنڈی کرکٹ اسٹیڈیم میں شروع ہو گا ، پاکستان شاہینز کو دو میچوں کی سیریز میں 0-1 کی برتری حاصل ہے ، راولپنڈی اسٹیڈیم میں کھیلے گئے پہلے میچ میں پاکستان شاہینز نے سری لنکا اے کے خلاف 7 وکٹوں سے کامیابی حاصل کی تھی ، پاکستان شاہینز کو محمد ہریرہ لیڈ کر رہے ہیں ، دیگر نمایاں کھلاڑیوں میں حسین طلعت ، حیدر علی ، روحیل نذیر اور ثمین گل شامل ہیں ، چار روزہ سیریز کے بعد دونوں ٹیموں کے مابین 25 سے 29 نومبر تک تین ون ڈے میچوں کی سیریز کھیلی جائے گی ، تمام میچ راولپنڈی کرکٹ اسٹیڈیم میں کھیلے جائیں گے ۔