ہوبارٹ (نیٹ نیوز)پاکستان اور آسٹریلیا کے درمیان تیسرا اور آخری ٹی20 میچ آج کھیلا جائے گا میچ پاکستانی وقت کے مطابق دوپہر ایک بجے شروع ہوگا  تیسرے ٹی 20میچ کیلئے قومی ٹیم سڈنی  سے ہوبارٹ پہنچ گئی ہے پاکستان کرکٹ ٹیم کے کپتان محمد رضوان کا کہنا ہے کہ سیریز میں شکست کے باوجود کھلاڑیوں کے حوصلے پست نہیں ہیں بھرپور تیاری کے ساتھ آج میدان میں اتریں گے اور تیسرا میچ جیتنے کی پوری کوشش کریں گے ہر کھلاڑی سے اس کی بہترین کارکردگی پیش کرنے کی امید ہے۔ تین میچوں کی سیریز میں کینگروز کو دوصفر کی فیصلہ کن برتری حاصل ہے۔ پاکستان کو دوسرے ٹی 20 میچ میں 13 رنز سے شکست کا سامنا کرنا پڑا، آسٹریلیا نے دوسرے میچ کے ساتھ سیریز بھی  اپنے نام کرلی ہے