ممبئی (اُردو پوائنٹ اخبارتازہ ترین - این این آئی۔ 28 نومبر2024ء) ایشوریا رائے کے نام سے بچن غائب ہونے کے بعد بالی ووڈ سٹار جوڑی کی علیحدگی کی افواہوں میں دوبارہ شدت آگئی۔بھارتی میڈیا کے مطابق ایشوریا رائے نے دبئی کی ایک تقریب میں شرکت کی۔ جب اداکارہ کو اسٹیج پر آنے کی دعوت دی گئی تو پس منظر میں لگی سکرین پر ان کا نام ایشوریا رائے بچن کی بجائے صرف ایشوریا رائے لکھا ہوا دکھائی دیا۔

(جاری ہے)

تقریب کی ویڈیوز سامنے آنے کے بعد ابھیشیک بچن اور ایشوریا رائے کی علیحدگی کی خبریں دوبارہ سوشل میڈیا پر گردش کرنے لگیں۔ایشوریا رائے اور ابھیشیک بچن نے اب تک علیحدگی کی خبروں پر کوئی ردعمل نہیں دیا ہے۔ کچھ عرصہ قبل بھی ایشوریا رائے نے ایک تقریب میں ایوارڈ وصول کیا تو ان کے نام کے ساتھ بچن نہیں پکارا گیا تھا جبکہ اداکارہ کے انسٹاگرام اکائونٹ سے بھی ان کے نام کے آگے سے بچن غائب ہوچکا ہے۔چند سوشل میڈیا صارفین نے ایشوریا رائے کی ویڈیوز اور تصاویر پر تبصرہ کرتے ہوئے لکھا کہ ایشوریا پہلے سے زیادہ فریش دکھائی دے رہی ہیں اور آنکھوں کے گرد حلقے بھی نہیں ہیں۔