ساؤ پاؤلو  ، 10/ اگست (ایس او نیوز /ایجنسی) برازیل میں ہوائی جہاز کا بڑا حادثہ پیش آیا۔ مقامی ٹی وی سٹیشن گلوبونیوز نے اطلاع دی ہے کہ جمعہ کو ایک طیارہ گر کر تباہ ہو گیا جس میں 62 افراد سوار تھے۔ اس حادثے میں طیارے میں سوار تمام 62 افراد کے ہلاک ہونے کی اطلاع ہے۔ جائے حادثہ کے قریب مقامی حکام نے بتایا کہ ایک علاقائی طیارہ جس میں 62 افراد سوار تھے جمعہ کو برازیل کے شہرچ قریب گر کر تباہ ہو گیا جس میں سوار تمام افراد ہلاک ہو گئے۔

قریبی  قصبے میں حکام نے بتایا کہ کوئی زندہ نہیں بچا اور ایک مقامی کنڈومینیم کمپلیکس میں ایک مکان کو نقصان پہنچا ہے۔ تاہم گھر میں کسی کے زخمی ہونے کی کوئی خبر نہیں ہے۔ایئر لائن ووپاس نے ایک بیان میں تصدیق کی ہے کہ ساؤ پالو کے گارولہوس انٹرنیشنل ایئرپورٹ جانے والا ایک طیارہ گر کر تباہ ہو گیا، جس میں 58 مسافر اور عملے کے چار افراد سوار تھے۔ بیان میں یہ نہیں بتایا گیا کہ حادثے کی وجہ کیا ہے۔

برازیل کے ٹیلی ویژن نیٹ ورک گلوبونیوز نے رہائشی علاقے میں آگ لگنے اور طیارے کے ایک حصے سے دھواں اٹھنے کی فوٹیج دکھائی ہے۔ گلوبونیوز پر فوٹیج میں ایک طیارہ تیزی سے گرتا ہوا دکھایا گیا ہے۔ ویڈیو میں طیارہ درختوں والے علاقے میں گرتا ہوا نظر آ رہا ہے۔ جنوبی برازیل میں ایک تقریب میں صدر لوئس اناسیو لولا دا سلوا نے حادثے پر دکھ کا اظہار کیا اور وہاں موجود لوگوں سے کہا کہ وہ کھڑے ہو کر ایک منٹ کی خاموشی اختیار کریں۔