کراچی (ڈیلی پاکستان آن لائن)ایم کیو ایم پاکستان کے چیئرمین اور وفاقی وزیر تعلیم خالد مقبول صدیقی نے تنقید کرتے ہوئے کہا ہے کہ تمام آئی پی پیز کو مبارک ہو جماعت اسلامی کا دھرنا کامیاب ہوگیا اور بجلی مہنگی ہوگئی ہے۔

کراچی میں تقریب سے خطاب میں چیئرمین ایم کیو ایم پاکستان اور وزیرتعلیم خالد مقبول صدیقی نے کہا کہ کراچی پاکستان کو چلانے اور استحکام کی 75 سال سے ذمہ داری لیا ہوا ہے، پاکستان کے بجٹ کا 75 فیصد کراچی دیتا ہے۔اپنے قافلے لٹا کر آنے والوں نے اس شہر اور ملک کو آباد کیا، کراچی چلتا ہے تو ملک پلتا ہے، کراچی کے ٹیکس سے اسلام آباد بھی آباد ہے، دین کے نام پر بنائے گئے ملک کو چلانے اور استحکام کے لیے کراچی کھڑا ہوتا ہے۔

انہوں نے کہا کہ اس ملک کو منڈی بنادیا گیا، اس ملک میں جو پنپتے ہیں وہ پلٹ کر دیکھتے ہیں، ایم کیوایم آج درخت لگا رہے تو کل کہیں ایسا نہ ہو کہ اس کو بھی ریاست کے اندر ریاست سمجھ لیا جائے۔

سربراہ ایم کیو ایم نے کہا کہ عمران خان کو کسی سے مذاکرات قابل قبول نہیں نہیں، ملک کے مسائل کا حل مذاکرات ہیں، تمام آئی پی پیز کو مبارک ہو جماعت اسلامی کا دھرنا کامیاب ہوگیا اور بجلی مہنگی ہوگئی ہے۔

انہوں نے کہا کہ نئی سیاسی جماعتیں سیاست دانوں کی ضرورت ہوسکتی ہیں، ملک کی نہیں۔

خالد مقبول صدیقی نے کہا کہ گورنر سندھ کی تبدیلی کی افواہوں پر ہم یقین نہیں رکھتے، گورنر سندھ ایم کیو ایم کا ہے۔