(جاری ہے)
انہوں نے کہا کہ بلوچستان کے نوجوانوں میں ولولہ تازہ پیدا کر کے آگے بڑھا جاسکتا ہے، بلوچستان کے طلبا و طالبات بے انتہا صلاحیتوں کے مالک ہیں. ان کی صلاحیتوں سے استفادہ کیا جانا چاہئے بلوچستان کی عوام کی ترقی و خوشحالی اور محرومیوں کے ازالے کیلئے وفاقی اور صوبائی حکومتوں کو یکسو ہو کر کام کرنا ہوگا تاکہ صوبے کی عوام ملک و قوم کو درپیش چیلنجز کا مقابلہ کرنے کے قابل ہو سکے، صوبائی حکومت بھی اس سلسلے میں اپنی ذمہ داریاں پوری کرتی رہے گی تو توقع کی جا سکتی ہے کہ بہت تیزی سے صوبے کے گھمبیرمسائل حل ہو جائیں گے۔چیئرمین قائمہ کمیٹی برائے دفاعی پیداوار نے کہا کہ وفاقی اور صوبائی حکومتوں کی دانش مندانہ پالیسیوں کے تسلسل سے ہی بلوچستان میں میں جاری دہشتگردی پر قابو پایا جاسکتا ہے دہشت گردوں کو شکست دینے کے لئے عوام کے دل جیتنے ہوں گے جب حکمران کسی بھی صوبے کی عوام کو انکے بنیادی حقوق سے محروم کرتے ہیں تو دہشتگردوں کو ایسے محروم لوگوں کو بہکانے میں آسانی ہوتی ہے دہشت گرد بد دل نوجوانوں کو منفی کارروائیوں میں ملوث کرنے لگتے ہیں،وفاقی اور صوبائی حکومتوں کی اجتماعی ذمہ داری ہے کہ وہ بلوچستان کی عوام کے تمام مسائل ترجیحی بنیادوں پر حل کریں تاکہ وہ منفی سرگرمیوں کے لئے ایندھن نہ بن سکیں۔
