آپ کے جسم میں پانی کی کمی تو نہیں؟ سادہ ٹیسٹ سے خود معلوم کریں
گرمی کے موسم میں اگر آپ فکر مند ہیں کہ آپ مناسب مقدار میں پانی پی رہے ہیں یا نہیں؟ تو اسے جاننے کےلیے ایک سادہ سے فنگر ٹیسٹ سے خود ہی پتہ لگاسکتے ہیں کہ آیا آپ پانی کی کمی کا شکار تو نہیں ہوگئے۔
بس دو انگلیوں سے اپنی جلد کو پیٹ، ہنسلی کی ہڈی کے نیچے سینے کی جلد یا ہاتھ کے اگلی جانب چٹکی بھر لیں اور اسے پکڑے رکھیں اور پھر چند سیکنڈز تک جلد کو چٹکی بھرنے کے بعد چھوڑ دیں۔
وہ کھانے اور مشروبات جو جسم میں پانی کی کمی کا باعث بن سکتے ہیں
اس دوران اگر جلد فوری طور پر اپنی معمول کی پوزیشن پر واپس آ جائے تو اس کا مطلب ہے کہ آپ کی جلد کی لچک درست ہے جو کہ آپ کے پانی کی مقدار کو درست ظاہر کرتی ہے۔
اسی طرح اگر جلد چند سیکنڈ کے لیے اوپر رہتی ہے تو اسے 'ٹینٹنگ' کہا جاتا ہے۔ اور یہ اس جانب اشارہ ہے کہ آپ کے جسم میں اس وقت پانی کی کمی موجود ہے۔
یہ طریقہ کئی وائرل ٹک ٹاکس کا موضوع رہا ہے، جس میں معالجین اس طریقہ کی حمایت کرتے نظر آتے ہیں۔
موسم گرما میں پانی کی کمی کو کیسے پورا کیا جائے؟
لاس اینجلس کی ڈاکٹر ڈانا برمس نے اپریل میں ٹک ٹاک پر ایک ویڈیو کے جواب میں انہوں نے اس ٹیسٹ کے کرنے کا پورا عمل بتایا۔
2021 کی اصل ویڈیو میں مواد تخلیق کار ریماس بوجور نے 'ڈی ہائیڈریشن چیک' کا مظاہرہ کیا اور بتایا کہ آیا انکے جسم میں پانی کی کمی ہے یا نہیں۔
