ممبئی (ڈیلی پاکستان آن لائن) بالی ووڈ اداکار منوج باجپائی نے ممبئی کے مہا لکشمی علاقے میں اپنے شاندار فلیٹ کو 9 کروڑ روپے میں فروخت کر دیا۔

بھارتی میڈیا کے مطابق فروخت کے معاہدے پر اگست میں رجسٹری کی گئی اور اس پر سٹیمپ ڈیوٹی کی رقم 54 لاکھ روپے بھی ادا کی گئی۔

منوج باجپائی نے اس فلیٹ کو تقریباً دس سال پہلے اپریل 2013 میں اپنی بیوی شبانہ باجپائی کے ساتھ خریدا تھا، جس وقت انہوں نے اس پراپرٹی کے لیے 6.40 کروڑ روپے ادا کیے تھے، جس پر انہوں نے 32 لاکھ روپے کی اسٹیمپ ڈیوٹی اور 30ہزارروپے کی رجسٹری فیس بھی ادا کی تھی۔

منوج باجپائی کی جائیداد صرف اس مہالکشمی پراپرٹی تک محدود نہیں ہیں۔ پچھلے سال ممبئی میں چار آفس یونٹس میں انہوں نے 32 کروڑ روپے کی سرمایہ کاری کی تھی۔

شوبز کے حوالے سے منوج باجپائی جلد ’فیملی مین‘ سیزن 3 میں نظر آئیں گے۔