کوئٹہ(ڈیلی پاکستان آن لائن) محکمہ داخلہ بلوچستان کا کہنا ہے کہ منشیات اور تیل کی سمگلنگ میں ملوث 58 لیویز اہلکاروں کو معطل کردیا گیا ہے۔محکمہ داخلہ بلوچستان کی جانب سے جاری اعلامیے میں بتایا گیا ہے کہ منشیات اور ایرانی تیل کی سمگلنگ میں ملوث عناصر کے خلاف کریک ڈاؤن جاری ہے، جس کے تحت لیویز اہلکاروں کے خلاف کارروائی کی گئی ہے۔

صوبائی محکمہ داخلہ نے بتایا کہ 58 لیویز اہلکاروں کو معطل کیا گیا ہے جبکہ ڈائریکٹر جرنل لیویز بلوچستان نے بتایا کہ مذکورہ اہلکاروں کے خلاف تحقیقات شروع کردی گئیں ہیں اور جو بھی سمگلنگ میں ملوث ہوا اُسے ملازمت سے برطرف کردیا جائے گا۔