(جاری ہے)
دوران سماعت عدالت نے سی پی او راولپنڈی سے استفسار کیا محمد اکرم کی بازیابی کے حوالے سے کوئی سراغ ملا، اس پر سی پی او راولپنڈی نے عدالت میں بتایا کہ محمد اکرم کی بازیابی کے حوالے سے کام کر رہے ہیں وکیل درخواست گزار نے بتایا کہ صبح 25 افراد مختلف اداروں کے یونیفارم میں گھر میں داخل ہوئے، اہلکاروں نے اڈیالہ جیل کے اندر سرکاری رہائش گاہ کی تلاشی لی. عدالت نے ریمارکس دیے یہ جو الزام لگا رہی ہیں یہ کافی سنجیدہ ہے، عدالت نے محمد اکرم کی فیملی کی حفاظت کو یقینی بنانے کا حکم دیا عدالت نے سی پی او راولپنڈی کو اس معاملے کی مکمل تحقیقات کی بھی ہدایت کی . عدالت نے ریمارکس دیے کہ جو کچھ ہو رہا ہے کسی نے لوگوں کے لیے کوئی اعتماد نہیں چھوڑا ہر کسی نے اپنا کردار ادا کرنا ہے، سب اللہ تعالی کو جواب دہ ہیں دوران سماعت عدالت نے ریمارکس دیے کہ لاپتا افراد کا مسئلہ کافی الارمنگ ہو چکا ہے پتہ چلتا ہے بندہ یہاں لاپتا ہے لیکن افغانستان بیٹھا ہوا ہے. سی پی او روالپنڈی نے محمد اکرم کی بازیابی کے لیے 14 روز کی مہلت مانگ لی ہے عدالت نے محمد اکرم کی بازیابی کے لیے مہلت دیتے ہوئے سماعت 10 ستمبر تک ملتوی کر دی ہے.
