لاہور(سپورٹس رپورٹر)پاکستان کی 3 پاور لفٹر بہنیں ایشین پیسفک افریقن کمبائنڈ پاور لفٹنگ چیمپئن شپ میں شرکت کے لیے جنوبی افریقا چلی گئیں۔سیبل سہیل، ویرونیکا سہیل اور ٹوئنکل سہیل ایونٹ میں شرکت کے لیے جنوبی افریقا گئیں اس ایونٹ میں تینوں بہنوں کے ویٹ کیٹیگری کے مقابلے 9 اور 10 جولائی کو شیڈول ہیں جبکہ تینوں بہنیں 13 جولائی کو ایکویپڈ پاور لفٹنگ میں حصہ لیں گی۔یہ ایک ریکارڈ ہے کہ 3 بہنیں پہلی بار انٹرنیشنل پاور لفٹنگ مقابلے میں ایک ساتھ شریک ہوں گی۔