لاہور (ڈیلی پاکستان آن لائن )پاکستان کے معروف صحافی اور تجزیہ کار شاہزایب خانزادہ اپنے سخت سوالات اور جاندار تجزیے کی بدولت جانے جاتے ہیں لیکن ان کا نیا ٹیلنٹ حال ہی میں سوشل میڈیا پر وائرل ایک ویڈیو میں سامنے آ یاہے ۔
تفصیلات کے مطابق پاکستانی صحافی شاہزیب خانزادہ کی اپنی بہن کی شادی میں پنجابی گانے پر رقص کی ویڈیو سب کی توجہ کا مرکز بن گئی، وائرل ویڈیو میں شاہزیب خانزادہ اپنی بہن کی شادی کی تقریب میں دلہن کے ساتھ ڈانس فلور پر رقص کرتے نظر آئے۔
ویڈیو میں شاہزیب خانزادہ سفید کرتے پاجامے پر میچنگ کوٹ پہنے ہوئے ہیں جبکہ ان کی بہن گلابی لہنگا چولی کے ساتھ دوپٹہ اوڑھی ہوئی ہیں۔یہ دونوں ڈانس فلور پر پاکستانی گلوکار نعمان خالد کے مشہور گیت ’دیسی ٹھمکا‘ پر پُرجوش ڈانس کر رہے ہیں۔
Favourite news anchor Shahzaib khanzada in a mood????.@shazbkhanzdaGEO pic.twitter.com/8K62Sp3DXv
— Mohammad Hafeez (@Mjournalissts) July 6, 2024
یہ پہلی مرتبہ نہیں کہ شاہزیب خانزادہ کے ڈانس اسکِلز سب کے سامنے آرہے ہیں بلکہ اس سے قبل اپنی شادی پر بھی معروف صحافی نے جی بھر پر ڈانس کیا تھا۔
شاہزیب خانزادہ نے بالی وڈ فلم ’بینگ بینگ‘ کے گیت ’تو میری‘ پر شاندار رقص کیا تھا جس کو دیکھ کر ایسا ماننا مشکل ہورہا تھا کہ ڈانس کرنے والے کوئی پروفیشنل ڈانسر نہیں بلکہ صحافت کی دنیا میں دھوم مچانے والے شاہزیب خانزادہ ہیں۔
وائرل ہونے والی ان دونوں ہی ویڈیوز کے کمنٹ سیکشن میں سوشل میڈیا صارفین شدید حیرت کا اظہار کر رہے ہیں جبکہ بعض شاہزیب خانزادہ کو یہ مشورہ دیتے نظر آرہے ہیں کہ وہ صحافت چھوڑ کر ڈانسر بن جائیں۔
