کراچی (ڈیلی پاکستان آن لائن)سعودی عرب سے کراچی آنے والے مسافر کو منکی پاکس کی علامات کے شبے میں انفیکشن ڈیزیز ہسپتال منتقل کردیا گیا۔
روزنامہ جنگ کے مطابق سعودی عرب سے آنے والے مسافر کی محکمہ صحت کے عملے نے کراچی ایئرپورٹ پر سکریننگ کی۔سکریننگ کے دوران مسافر شمشیر علی میں منکی پاکس کی علامات پائی گئیں، جس کے بعد انہیں سندھ حکومت کے انفیکشن ڈیزیز ہسپتال منتقل کیا گیا ہے۔
مسافر شمشیر کا تعلق رحیم یار خان سے ہے، دوسری طرف مسافر کے منکی پاکس علامات پر سعودی ایئرلائن کے طیارے کو ڈس انفیکٹ کیا گیا۔
