لاہور (اُردو پوائنٹ اخبارتازہ ترین۔ 28 ستمبر2024ء، ئمائندہ خصوصی عثمان بٹ) زرائع کے مطابق ویلو سائونڈ اسٹیشن نے اپنے سیزن 3 کے لیے پاکستان کے معروف فلمی ہدایتکار و پروڈیوسر بلال لاشاری کو شامل کر لیا ہے۔
بلال لاشاری، جو کہ اپنی بلاک بسٹر فلم "دی لیجنڈ آف مولا جٹ" کے لیے معروف ہیں، اب موسیقی کے میدان میں قدم رکھ رہے ہیں۔ ان کی فلمی کامیابیاں اور تخلیقی صلاحیتیں انہیں ویلو سائونڈ اسٹیشن کے لیے ایک قیمتی اضافہ بناتی ہیں۔

(جاری ہے)

اگر بلال لاشاری سیزن 3 کی ڈائریکشن کر رہے ہیں، تو کیا ہم ان کے منفرد وژن اور تخلیقی انداز کو موسیقی میں بھی دیکھ سکیں گے۔
 سیزن 3 میں بلال لاشاری کی شمولیت سے ممکن ہے کہ ہم پاپ میوزک کی دنیا میں کچھ نیا اور دلچسپ دیکھیں، جو میوزک لوورز کے لیے ایک خوش آئند خبر ہو سکتی ہے۔
یہ دیکھنا باقی ہے کہ بلال لاشاری ویلو سائونڈ اسٹیشن سیزن 3 میں کیا نیا پیش کرتے ہیں، اور ان کی شمولیت پاکستانی موسیقی کو کس نئی سمت میں لے جائے گی۔