لاہور(سپورٹس رپورٹر)سابق کپتان یونس خان کا کہنا ہے کہ پاکستان کے کلچر میں بڑے کھلاڑی کو کپتان بنا دیا جاتا ہے جو کہ غلط ہے۔قومی ٹیم کو ٹی20 ورلڈکپ جتوانے والے سابق کپتان یونس خان نے پاکستان کرکٹ بورڈ (پی سی بی) کو مشورہ دیا کہ بابراعظم کے کپتانی سے مستعفی ہونے کے بعد محمد رضوان یا فخر زمان میں سے کسی ایک کو کپتان بنانا چاہیے۔کرکٹ آسٹریلیا کی دعوت پر ایڈیلیڈ میں موجود یونس خان نے کہا کہ کپتانی سے الگ ہونا بابراعظم کیلئے بہتر ہوگا۔لیجنڈری کرکٹر کا کہنا تھا کہ پاکستان ٹیم میں نوجوان کھلاڑی شامل ہیں جبکہ سلیکشن کے مسائل ہیں، ہیڈکوچ جیسن گلیسپی کیساتھ کھیل چکا ہوں وہ پاکستان ٹیم کو بہتر بنانے کی کوشش کررہے ہیں۔

مزید پڑھیں: ون ڈے کیلئے رضوان، ٹی20 کیلئے حارث کپتانی کے دعویدار بن گئے

دوسری جانب یونس خان کو دورہ ا?سٹریلیا کے موقع پر ساؤتھ آسٹریلیا کرکٹ کی جانب سے کیپ بھی دی گئی جبکہ وہ 5 اکتوبر کو میلبرن میں کرکٹ آ سٹریلیا کے سمر کیمپ میں بھی شرکت کریں گے۔