(جاری ہے)
جسکے مطابق معزز ٹریبونل نے تمام گواہان کی بیانات اور ریکارڈ کی جانچ پڑتال کرنے کے بعد اس نتیجے پر پہنچا کہ مدعی کی جانب سے دائر کردہ الیکشن پٹیشن کو منظور کرتے ہوئے پاکستان پیپلز پارٹی کے کامیاب امیدوار ورکن بلوچستان اسمبلی عبید اللہ گورگیج کی کامیابی کالعدم قرار دے دیا۔
فیصلے کے مطابق معزز جج نے حلقہ پی بی۔ 44 کوئٹہ۔Vii سے کامیاب امیدوار و رکن اسمبلی میر عبیداللہ گورگیج کو ڈی سیٹ کرنے اور حلقے کے 16 متنازعہ پولنگ اسٹیشنز پر دوبارہ الیکشن کرانے کا حکم دے دیا۔ معزز جج نے الیکشن کمیشن پاکستان کو متنازعہ 16 پولنگ اسٹیشنز کے فارم 45، 47 اور 49 کو یکجا کرنے کے بعد مقابلہ کرنے والے امیدواروں یا ان کے ایجنٹوں کی موجودگی میں پورے حلقے کے حتمی نتائج کا اعلان کرنے اور مذکورہ 16 پولنگ اسٹیشنوں میں قانون کے مطابق فوری طور پر نئے انتخابات کرانے کی ہدایت کی۔ انہوں نے الیکشن کمیشن پاکستان کو ہدایت کی کہ متنازعہ 16 پولنگ اسٹیشنوں پر آزادانہ، منصفانہ، شفاف اور محفوظ انتخابات کو یقینی بنانے کے لیے نئے آر او، ڈی آر او اور پولنگ عملے کی تقرری کریں اور پولنگ عملے کو فیصلے کی مصدقہ کاپی صوبائی الیکشن کمشنر بلوچستان کے ذریعے الیکشن کمیشن پاکستان کو فوری طور پر بھیجنے کا پابند کریں۔ یاد رہے کہ نیشنل پارٹی کے امیدوار حاجی میر عطاء محمد بنگلزئی کی جانب سے کیس کی پیروی نادرچلگری، قاضی نجیب الرحمان، شبیر احمد شیرانی، بلال محسن اور راشد ایوب ایڈوکیٹ نے کی جبکہ عبیداللہ گورگیج کی جانب سے اس کے وکیل امان اللہ کنرانی ایڈوکیٹ پیش ہوئے۔
