(جاری ہے)
شیڈول کے مطابق ایس سی او سربراہی اجلاس 15اکتوبر کو ہوگا اور 16اکتوبر کو سربراہی کانفرنس ہوگی۔ایس سی او سربراہی اجلاس کیلئے بھارت کا 4رکنی سرکاری وفد پاکستان پہنچ گیا ہے، روس کا 76رکنی وفد اور شنگھائی تعاون تنظیم کے 7نمائندے بھی پاکستان پہنچ گئے ہیں، اس کے علاوہ چین کا 15رکنی، کرغستان کا 4 رکنی اور ایران کا دو رکنی وفد بھی اسلام آباد پہنچ گیا ہے۔
اجلاس میں شرکت کیلئے چین کے وزیر اعظم لی چیانگ( آج )14اکتوبر کو اسلام آباد پہنچیں گے، ان کے دورے کے دو حصے ہوں گے، پہلے حصے میں پاکستان پہنچنے کے بعد اہم ملاقاتیں کریں گے اور وزیر اعظم ہاؤس میں گوادر پورٹ کی لانچنگ تقریب میں شرکت کریں گے۔چینی وزیراعظم لی چیانگ 16اکتوبر کو کانفرنس میں شریک ہوں گے اور 17اکتوبر کو پاک چین دو طرفہ مذاکرات ہوں گے۔روس کے وزیر اعظم 15اکتوبر کی رات کو پاکستان پہنچیں گے اور 16اکتوبر کو کانفرنس میں شریک ہوں گے، پاکستان اور روس کے درمیان دو طرفہ مذاکرات 17 اکتوبر کو ہوں گے اور اسی روز چینی اور روسی وزرائے اعظم واپس چلے جائیں گے۔ایس سی او سربراہی کانفرنس میں ترکمانستان، تاجکستان اور قازقستان کے وزرائے اعظم بھی شریک ہوں گے، مبصر کی حیثیت سے منگولیا کے وزیر اعظم شریک ہوں گے۔کانفرنس کے رکن ممالک کی نمائندگی چین، روس، بیلاروس، قازقستان، کرغزستان، تاجکستان اور ازبکستان کے وزرائے اعظم کریں گے، ایران کے پہلے نائب صدر اور بھارت کے وزیر خارجہ بھی اجلاس میں شرکت کریں گے، مبصر ریاست کے طور پر منگولیا کے وزیر اعظم اور ترکمانستان کے نائب چیئرمین کابینہ اور وزیر خارجہ خصوصی مہمان کے طور پر شرکت کریں گے۔وزیراعظم شہباز شریف اجلاس کے موقع پر مختلف وفود کے سربراہان سے اہم دوطرفہ ملاقاتیں بھی کریں گے۔
