لاہور(سپورٹس رپورٹر) پاکستان کرکٹ ٹیم کے سابق کپتان یونس خان نے کہا کہ پاکستان کو پہلے میچ میں ناقص حکمت عملی کے باعث شکست کا سامنا کرنا پڑا کھلاڑی پریشر میں کھیلتے ہوئے نظر آئے قومی ٹیم کو غلطیوں سے سبق سیکھنے کی ضرورت ہے مزید کہا کہ اگر میچ بارش کی وجہ سے کم اوررز پر مشتمل نہیں ہوتا تو شائد نتیجہ پاکستان کے حق میں ہوتا ایسے میچز میں کسی بھی ٹیم کی کامیابی غیر یقینی ہوتی ہے یونس خان نے کہا کہ پاکستان کو دوسرے ٹی ٹونٹی میچ میں کامیابی حاصل کرنے کی ضرورت ہے اور اس شکست کو بھول کر اگلے میچ کے لئے بہترین حکمت تیار کرکے میچ میں اترنا ہوگا سابق کپتان نے مزید کہا کہ پاکستان کی ٹی ٹونٹی ٹیم بہترین کھلاڑیوں پر مشتمل ہے اور آسٹریلیا کو شکست دے سکتی ہے۔
