لاہور (اردو پوائنٹ تازہ ترین اخبار ۔ 17 نومبر 2024ء ) پاکستان کرکٹ بورڈ نے ریڈ بال کوچ جیسن گلیسپی کو تمام فارمیٹس سےفارغ کرنیکا فیصلہ کیا ہے۔ نجی ویب سائٹ نے دعویٰ کیا ہے کہ عاقب جاوید کوٹی20، ون ڈے سمیت ٹیسٹ ٹیم کا ہیڈ کوچ بنانےکا فیصلہ کیا گیا ہے، ان کی تقرری کا اعلان پاکستان آسٹریلیا تیسرے ٹی ٹونٹی کے بعد کیاجائے گا۔ خیال کیا جاتا ہے کہ عاقب جاوید پی سی بی کی پہلی پسند نہیں تھے، بورڈ نے ابتدائی طور پر گلیسپی کو اگلے مارچ میں چیمپئنز ٹرافی کے اختتام تک انہی پیسوں میں آل فارمیٹ کوچ کا عہدہ سنبھالنے کیلئے کہا تھا۔ تاہم ان سے کہا گیا کہ وہ اپنے موجودہ معاہدے میں تبدیلی کے بغیر اضافی وائٹ بال کی ذمہ داری سنبھالیں مگر گلیسپی نے اس پیشکش کو ٹھکرا دیا۔

(جاری ہے)

اگرچہ پی سی بی کے ایک اہلکار نے گلیسپی کو تبدیل کرنے کے فیصلے کی وجہ پاکستان میں کافی وقت نہ گزارنے کو قرار دیا ہے۔ یہ وہ چیز ہے جو پی سی بی نے نجی طور پر گیری کرسٹن کے استعفیٰ کی وضاحت کیلئے استعمال کی تھی، جو اس سے پہلے کے سب سے حالیہ وائٹ بال کوچ تھے،وہ گزشتہ ماہ مستعفی ہو گئے تھے۔ 

عاقب جاوید چند ہفتے پہلے تک لاہور قلندرز کے طویل مدتی کوچ اور کرکٹ آپریشنز کے ڈائریکٹر تھے، جہاں ان کا ملا جلا ریکارڈ تھا۔ انہوں نے ٹیم کو لگاتار پی ایس ایل ٹائٹل جتوانے کی قیادت کی۔انہوں نے اس سال کے شروع میں سری لنکا کے باؤلنگ کوچ کی حیثیت سے خدمات بھی انجام دیں، لیکن اب وہ اپنا سب سے زیادہ پروفائل چیلنج شروع کر رہے ہیں۔