ب*جڑانوالہ (اُردو پوائنٹ اخبارتازہ ترین - آن لائن۔ 17 نومبر2024ء) ایجوکیشن بورڈ فیصل آباد کے زیراہتمام ہونے والے انٹرکالجیٹ سپورٹس(بوائز) کی تقریب تقسیم انعامات18 نومبربروزسوموارکوصبح10بجے ایجوکیشن بورڈ واقع جھنگ روڈ فیصل آباد کے آڈیٹوریم میں منعقد ہو گی۔ اس موقع پر پوزیشن ہولڈر کالجز کے سربراہان،پرنسپل صاحبان،کوچز،کھلاڑی اور کھیل سے وابستہ معروف شخصیات بھی شریک ہوں گی۔تقریب کی مہمان خصوصی کمشنر و چیئرپرسن تعلیمی بورڈ فیصل آباد سلوت سعید پوزیشن ہولڈرز میں انعامات تقسیم کریں گی۔

(جاری ہے)

اس موقع پر سیکرٹری بورڈ ڈاکٹر حبیب الرحمن بھی ان کے ہمراہ ہوں گے۔ ڈائریکٹر سپورٹس تعلیمی بورڈ فیصل آباد محمد شہزاد خالد کی طرف سے تقریب تقسیم انعامات بارے تمام پوزیشن ہولڈر کالجزکے سربراہان، پرنسپل صاحبان،کوچز اور کھلاڑیوں کو آگاہ کرتے ہوئے ہدایت کی گئی ہے کہ تمام متعلقین تقریب میں اپنی شرکت کو بروقت یقینی بنائیں تاکہ پروگرام وقت مقررہ پر شروع اور اختتام پذیر ہو۔ انہوں نے کہا کہ اس سلسلہ میں اگر کسی کومزید معلومات درکار ہوں تو وہ ڈائریکٹر سپورٹس (مردانہ) تعلیمی بورڈ فیصل آباد کے فون نمبر 03226379961پررابط کر سکتے ہیں۔