(جاری ہے)
سرکاری ذرائع کے حوالے سے کہا گیا کہ پاکستان تحریک انصاف کے احتجاج کے پیش نظر ملک بھر میں رات 12 بجے کے بعد سے انٹرنیٹ سروس مکمل بند کردی جائے گی۔ اس حوالے سے وفاقی وزارت داخلہ کی وضاحت سامنے آئی۔
وزارت داخلہ کے ترجمان نے موبائل ڈیٹا اور انٹرنیٹ سروس کی بندش کی تصدیق کرتے ہوئے کہا گیا ہے کہ صرف سکیورٹی کے خدشات والے علاقوں میں موبائل ڈیٹا اور وائی فائی سروس کی بندش کا تعین کیا جائے گا۔ ترجمان کا مزید کہنا ہے کہ ملک کے باقی حصوں میں انٹرنیٹ اور موبائل سروس معمول کے مطابق چلتی رہے گی۔ واضح رہے کہ وفاقی اور پنجاب حکومت کی جانب سے تحریک انصاف کے احتجاج کو روکنے کیلئے سخت اقدامات اٹھائے جا رہے ہیں۔ اکستان تحریک انصاف کے احتجاج کو روکنے کیلیے اسلام آباد کے تمام داخلی راستے بند کردیے گئے ہیں۔ لاہور کو بھی چاروں اطراف سے آمد و رفت کیلئے بند کر دیا ہے۔ جبکہ ملک بھر کی موٹرویز کو بھی ایک ساتھ بند کر دیا گیا ہے۔ جبکہ اس تمام صورتحال کے باوجود حریک انصاف کی قیادت نے کل ہر صورت اسلام آباد کی جانب مارچ کرنے اور ڈی چوک میں دھرنے کا اعلان کردیا۔
