(جاری ہے)
کمشنر لاہورنے افتتاحی تقریب سے خطاب کرتے ہوئے کہا ہے کہ کھیلتا پنجاب گیمز 2024کے ضلعی سطح کے مقابلے کامیابی سے منعقد ہوچکے ہیں ،اب25نومبر سے پورے پنجاب کے تمام ڈویژنز میں ڈویژنل سطح کے مقابلے شروع ہوگئے ہیں،کھیلتا پنجاب گیمز میں ایک لاکھ بیس ہزار کھلاڑی حصہ لے رہے ہیں، وزیراعلی پنجاب کے ویژن کے تحت کھیلتا پنجاب گیمز کے مقابلے ضلعی سطح سے لے کر صوبائی سطح تک منعقد ہورہے ہیں،ضلعی سطح پر کھیلتا پنجاب گیمز میں 6جبکہ ڈویژن سطح پر 12کھیلوں کے مقابلے ہورہے ہیں۔انہوں نے مزید کہا ہے کہ کھیلوں سے صحت مند معاشرہ تشکیل پاتا ہے،ڈویژن سطح پر چاروں اضلاع کے بہترین ونر کھلاڑی اور ٹیمیں آمنے سامنے ہونگی،ڈی جی سپورٹس پنجاب اور ان کی ٹیم نے کھیلتا پنجاب گیمز کیلئے بہترین انتظامات کیے ہیں۔ڈی جی سپورٹس پنجاب نے افتتاحی تقریب کے موقع پر کمشنرلاہور کو سوینئر پیش کیا ۔افتتاحی تقریب میں ڈویژنل سپورٹس آفیسر لاہورنے بھی خطاب کیا ہے۔افتتاحی تقریب کے موقع پر ڈائریکٹر سپورٹس ، ڈائریکٹر ایڈمن ، ڈائریکٹر یوتھ افیئرز ، ڈپٹی ڈائریکٹرز ظہور احمد، عطا الرحمن، چاند پروین، ڈسٹرکٹ سپورٹس آفیسر لاہور تنویر عباس اور مرد و خواتین کھلاڑیوں کی بڑی تعداد موجود تھی۔
