ملتان (اُردو پوائنٹ اخبارتازہ ترین - اے پی پی۔ 25 نومبر2024ء) سورج میانی روڈ پر دورانِ ریس دو موٹر سائیکلوں کے درمیان تصادم کے نتیجے میں 16 سالہ نوجوان اسدللہ ولد رمضان جاں بحق جبکہ دوسرا زخمی ہو گیا۔ریسکیو ترجمان کے مطابق ریسکیو کنٹرول روم کو عثمانیہ بازار سورج میانی روڈ سے دو موٹر سائیکل ٹکرانے کی کال موصول ہوئی ۔جس میں دو لڑکوں کے زخمی ہونے کی اطلاع دی گئی۔
(جاری ہے)
اطلاع ملتے ہی ریسکیو ٹیمیں جائے حادثہ پر بھجوا دی گئیں۔جہاں موقع پر موجود لوگوں نے ریسکیو اہلکاروں کو بتایا کہ دو موٹر سائیکلوں کے درمیان ریس کے نتیجے میں تصادم ہوا جس سے حادثہ رونما ہوا ۔ ایک بچہ زخموں کی تاب نہ لاتے ہوئے بعد میں جاں بحق ہو گیا جبکہ دوسرا 12 سالہ حبیب احمد ولد محمد طارق زخمی ہو گیا ۔ دونوں نوجوان سورج میانی کے رہائشی بتائے گئے۔ ریسکیو اہلکاروں نے زخمی بچے کو فوری طبی امداد دے کر زخمی اور ڈیڈ باڈی کو نشتر ہسپتال منتقل کر دیا ۔متعلقہ عنوان :
