لاہور (اُردو پوائنٹ اخبارتازہ ترین - اے پی پی۔ 26 نومبر2024ء) ڈائریکٹرجنرل سپورٹس پنجاب خضر افضال چوہدری کی زیر صدارت کھیلوں کی ترقی کیلئے اجلاس منعقد ہوا۔

(جاری ہے)

منگل کے روز نیشنل ہاکی سٹیڈیم میں ہونیوالے اجلاس میں کھیلوں کی ترقی کیلئے اہم امور زیر بحث آئے ہیں،ڈائریکٹرایڈمن ڈاکٹر محمد کلیم، ڈپٹی ڈائریکٹر ظہور احمد اور عطا الرحمن نے اجلاس میں شرکت کی ہے، ڈائریکٹرجنرل سپورٹس پنجاب خضر افضال چوہدری نے اجلاس سے خطاب کرتے ہوئے کہا ہے کہ کھیلوں کی ترقی کیلئے مانیٹرنگ سیل کا قیام عمل میں لایا جائے گا،سپورٹس بورڈ پنجاب کے بورڈ رولز میں ترمیم بارے بھی غور کیا جارہا ہے، بورڈ میں ترمیم کرکے سپورٹس کی ترقی کیلئے مزید موثر فیصلے کیے جائیں گے،سپورٹس بورڈ پنجاب کے وسائل میں اضافہ کیلئے موثر اقدامات کیے جائیں گے، اجلاس میں نئی پوسٹوں اور ڈیلی ویجز سٹاف بارے بھی اہم فیصلے کیے گئے۔