(جاری ہے)
اجلاس میں آئندہ ہونے والی ایکسپو اور کانفرنس کے اغراض ومقاصد کے حوالے سے ڈی جی ٹیڈیپ نے شرکا کو تفصیلی بریفنگ دی اور بتایا کہ اس میں شرکت کرنے کیلئے صوبائی اور قومی حکومتوں و متعلقہ اداروں کے حکام اور ملک کے اہم شہروں سے سرمایہ کاروں کو چترال مدعو کیا جائے گا، اجلاس کو بتایا گیا کہ کانفرنس اور ایکسپو کو عملی شکل دینے کی غرض سے تمام مراحل طے کرنے کیلئے پراوینشل بورڈ آف انویسٹمنٹ اور وفاقی ادارہ ٹریڈ ڈویلپمنٹ اتھارٹی مل بیٹھ کر پلان مرتب کریں گے۔اسی طرح چترال چیمبر آف کامرس اینڈ انڈسٹری بھی اس ایونٹ کے انعقاد میں اپنی معاونت فراہم کرے گا۔اس موقع پر وزیراعلیٰ کے معاون خصوصی نے کہا کہ صوبے میں چترال کو قدرتی وسائل کے لحاظ سے انتہائی اہمیت حاصل ہے کیونکہ یہ خطہ کئی وسائل سے مالامال ہے۔انہوں نے کہا کہ یہاں پر ماربل،تازہ فروٹس،سیڈ جرمنیشن،جمز سٹون،ٹورازم،ہائیڈرو پاور،ڈرائی فروٹس،ثقافتی ہینڈی کرافٹس و کئی دیگر ایسے امکانی ذرائع اور وسائل ہیں جو علاقے کی معاشی ترقی اور سرمایہ کاروں کیلئے انتہائی پر کشش ہیں۔انہوں نے کہا کہ صوبائی حکومت وفاقی ادارے ٹریڈ ڈویلپمنٹ اتھارٹی کیساتھ اس اہم ایونٹ کو کامیاب بنانے کیلئے ہر ممکن تعاون فراہم کرے گی۔ معاون خصوصی نے اس موقع پر ہدایت کی کہ تمام ادارے اور محکمے اس سلسلے میں اپنے لئے ذمہ داریاں متعین کریں تاکہ اس ایونٹ کو ہر لحاظ سے کامیاب اور نتیجہ خیز بنایا جائے۔
