(جاری ہے)
گوادر کی آل پارٹیز اور تاجر برادری نے بھی مذاکرات میں کلیدی کردار ادا کیا، جن میں حسین واڈیلا، اشرف حسین، ایڈووکیٹ سعید فیض، ماجد سہرا بی، میر غفور ہوت، مولانا عبدالحمید انقلابی، ماجد جوہر، حفیظ کیا زئی، مولانا عبدالہادی، محمد عثمان، شوکت علی، اور ثنا اللہ شامل تھے۔مذاکرات کے دوران بلوچ یکجہتی کمیٹی نے حکومت کے سامنے سخت موقف رکھا، لیکن صوبائی حکومت اور ضلعی انتظامیہ نے بلوچستان کے عوامی مفاد اور گوادر کے مستقبل کو مدنظر رکھتے ہوئے نرمی کا مظاہرہ کیا۔ مذاکرات میں طے پایا کہ تمام گرفتار شدہ افراد کی رہائی کے لیے سندھ حکومت سے بات چیت کی جائے گی، اور ایف آئی آر شدہ افراد جوڈیشل عمل کے بعد پانچ اگست تک رہا ہوں گے۔راجی مچی کے شرکاءکو احتجاج ختم کرنے کے بعد محفوظ راستہ فراہم کیا جائے گا،دوران احتجاج پولیس کی طرف سے ضبط کردہ اشیاء واپس کی جائیں گی، اور انٹرنیٹ و موبائل سگنل بحال کر دیے جائیں گے۔ دھرنے کے بعد کسی شہری کو ہراساں یا انتقامی کارروائی کا نشانہ نہیں بنایا جائے گا۔یہ کامیاب مذاکرات بلوچستان میں امن و امان کی بحالی اور مسائل کے حل کے لیے ایک اہم قدم ہے، اور یہ ظاہر کرتا ہے کہ بات چیت اور مشترکہ کوششوں کے ذریعے مشکلات کا حل ممکن ہے۔
